د صهیونیستي رژیم بریدونه پر ایران د دې رژیم د تجاوزګرې ذات ثبوت دی

د ایران ولسمشر د صهیونیستي رژیم له خوا پر ایران بریدونه د دې رژیم تجاوزګره ذات ته اشاره وکړه او په ټینګار سره یې وویل: زه له هغه وخته، چې د ولسمشر په توګه مې دنده پیل کړې، په سیمه کې د سولې، ثبات او امنیت د پیاوړتیا په لټه کې وم، خو صهیونیستي رژیم په هر هغه ډګر کې، چې موږ د لاسته راوړنې په لټه کې وو، خنډونه او ستونزې یې رامنځته کړې. 

د ایکنانیوز د راپور له مخې، د ولسمشرۍ د اطلاعاتو د مرکز په حواله، ډاکټر مسعود پزشکیان د شنبې په ماښام، د غبرګولي ۲۴مه، د سعودي عربستان د وليعهد محمد بن سلمان سره په ټلیفوني خبرو کې د هغه د ټلیفون او د ورورولۍ د احساساتو او خواخوږۍ د څرګندولو له امله مننه وکړه او وې ویل: له هر څه مخکې اړینه بولم، چې د حرمین شریفین د خادم او د سعودي عربستان د اړوندو ادارو له ورورانه او صمیمانه همکارۍ څخه، چې د بیت الله الحرام حاجیانو ته یې خدمتونه وړاندې کړي، له تاسو څخه په صمیمانه توګه مننه وکړم. 

ولسمشر د صهیونیستي رژیم له خوا پر ایران بریدونه د دې رژیم د تجاوزګرې ذات ثبوت وباله او زیاته یې کړه: زه له هغه وخته، چې د ولسمشر په توګه مې دنده پیل کړې، په سیمه کې د سولې، ثبات او امنیت د پیاوړتیا په لټه کې وم، خو صهیونیستي رژیم په هر هغه ډګر کې، چې موږ د لاسته راوړنې په لټه کې وو، خنډونه او ستونزې یې رامنځته کړې. 

پزشکیان د اسلامي هېوادونو ترمنځ د یووالي او ورورولۍ د پیاوړتیا پر اهمیت ټینګار وکړ، ترڅو د صهیونیستي رژیم د جنایتکارانه کړنو، په ځانګړي توګه په غزه کې، مخه ونیول شي او ویې ویل: سعودي عربستان د سیمې او اسلامي نړۍ په کچه د خپل موقعیت له امله کولی شي د اسلامي هېوادونو ترمنځ د یووالي په پیاوړي کولو او د ټولو مسلمانانو د حقونو په دفاع کې مهم رول ولوبوي. هیله ده، چې موږ په ګډه د سیمې د ارامۍ لپاره کار وکړو. 

د سعودي عربستان وليعهد هم په دې ټلیفوني خبرو کې د صهیونیستي رژیم له خوا پر ایران ظالمانه بریدونه وغندل او د دې جنایتونو په ترڅ کې د یو شمېر ایراني وګړو د وژل کېدو له امله خواخوږي او تسلیت وړاندې کړ. هغه وویل: سعودي عربستان د خپلو ایراني وروڼو تر څنګ ولاړ دی او نن ټوله اسلامي نړۍ په یووالي او اتفاق سره ستاسو ملاتړ کوي. زه په ټولو دیپلوماتیکو تعاملاتو کې د اسرائیلو د تجاوزاتو د بندولو او فشار راوړلو په لټه کې یم. 

محمد بن سلمان وویل: زموږ باور دا دی، چې اسرائیل خپل ټول هڅې دې ته متمرکزې کړې، چې د تاوتریخوالي په ژورولو سره د امریکا پښې دې جګړو ته راوکاږي، خو له بلې خوا باور لرو، چې د ایران د اسلامي جمهوریت هوښیاره غبرګون به دا فرصت له هغوی واخلي. 

د سعودي عربستان وليعهد یادونه وکړه، چې هېواد یې به له خپلو ایراني وروڼو سره له هېڅ ډول مرستې دریغ ونه کړي.

https://iqna.ir/fa/news/4288617